Irutxuloko Hitza

Trenbidearen zati handiagoa estaltzeko eskatu diote alkateari

Intxaurrondo

Hemendik aurrerako urratsak elkarlanean emateko eskatu dio auzo elkarteak.

erredakzioa

IZBE Intxaurrondo Zaharreko Bizilagunen Elkarteak trenbidea estaltzeko eskatu du berriz ere. Udalak trenbidearen zati bat estaliko dutela iragarri zuen 2006an. Auzo elkartearentzat hori ez da nahikoa eta zati zabalagoa estaltzea nahi du, Zabaltokitiko zubitik Txaparreneko estalitako frontoiraino.

«Askotan argudiatu digu Udalak mota honetako obra bat aurrera eramateko nahikoa dirurik ez duela. Herritarrok badakigu finantzaketa lortzeko bideak badaudela. Alkateak 16 urte daramatza Udal Gobernuko buru izaten eta ziur gaude sekulako eskarmentua lortu duela urte hauetan; Victoria Eugenia, Kursaala eta abar horren adibide».

Auzo elkarteko kideek diotenez, udal hauteskundeen atarian, alkatearen gutuna jaso zuten eta gutun horretan alkateak ez zion atea ixten hasieran zehaztutakoa baino zati handiagoa estaltzeari. Hori argitzeko eskatu diote alkateari eta hemendik aurrera eman beharreko urratsetan elkarlanean aritzeko eskatu diote...