Irutxuloko Hitza

Mons eta Marrutxipi artean lanak egingo dituzte

Intxaurrondo

Espaloia berritzeaz gain, 10-12 aparkaleku egokituko dituzte, auzotarrek hala eskatuta.

erredakzioa

Luze jo gabe obretan hasiko dira Marrutxipin. Zehazki, Marrutxipi kalea eta Mons pasealekuaren artean egingo dituzte lanak. Espaloia berritu eta 10-12 aparkaleku jarriko dituzte.

Marrutxipiko bizilagunen aspaldiko eskaera da toki horretan esku hartzea espaloia berritzeko eta aparkaleku gehiago izateko.

Udal Gobernuak lanak emango dizkio gaur enpresa bati, 77.882 eurotan, eta enpresa horrek sei aste izango ditu aipatu lanak egiteko.