Irutxuloko Hitza

Bihartik astelehenera bitartean ospatuko dituzte sanjoanak Ipar Intxaurrondon

Intxaurrondo

Ohi bezala, sardina jatea, dantzaldia eta herri kirolak izango dira, San Juan suaz gain.

r. perez

Bihar hasiko dira Ipar Intxaurrondoko jaiak. Astelehena bitartean izango dira jai jarduerak, Gabriel Zelaia eta Bernat Etxepare plazetan.

Ohi bezala, San Joan bezpera, ekainak 23, izango da jaietako egun nagusia. 18:00etatik aurrera egongo da zerekin gozatu. Urtero bezala, Eskola dantza taldea ariko da, eta ondoren haurrak urmaelean txalupan ibili ahal izango dira. Herri afaria eta gero, 21:45ean, piztuko dute sua Bernart Etxepare plazan.

Aurreko egunetan ere hainbat hitzordu izango dira auzoan. Hala, larunbat arratsaldean, gimnasia erritmiko erakustaldia, sardina jatea eta dantzaldia izango dira.

Igandean, bestalde, goizean, Intxaurrondoko txistularien diana eta gero, petanka eta toke eta bote txapelketak izango dira. Arratsaldean herri kirolak, antzerkia, plaza dantzak eta zezensuzkoa izango dira, besteak beste.

############

EGITARAUA

Bihar, ostirala 20

19:30. Festak hasteko traka izugarria eta buruhandiak.

19:40. Batukada BTK taldearekin.

23:30. Rock kontzertua Eraie eta Eztake taldeekin.

00:30. Zezensuzkoa.

Etzi, larunbata 21

17:00. Haur jolasak.

18:30. Txokolate jatea..

19:00. Gimnasia erritmiko erakustaldia.

19:45. Buruhandiak.

20:00. Sardina jatea.

20:30. Dantzaldia: Laurak taldea.

00:30. Zezensuzkoa. Dantzaldiaren jarraipena.

Igandea, ekainak 22

10:00. Diana Intxaurrondoko txistulariekin.

10:05. Petanka txapelketa.

12:15. Toka eta bota txapelketa.

13:30. Luntxa auzoko jubilatuentzat.

14:30. Sari banaketa.

15:30. Mus txapelketa azkarra.

17:30. Herri kirolak.

19:30. Tangorditos Argentinako taldearen antzezlana.

20:30. Alkarkide txaranga.

21:30. Buruhandiak.

22:00. Zezensuzkoa.

Astelehena, ekainak 23

18:00. Euskal dantzak Eskola dantza taldeko umeekin.

18:45. Txokolate jatea.

19:00. Txalupan paseoak.

19:45. Buruhandiak.

20:15. Txalaparta.

20:30. Herri afaria. Nork bere etxetik janaria eraman behar du.

21:45. San Joan sua.

22:00. Rafa Erentxun bere akordeoiarekin .

00:00. Zezensuzkoa.

############